முதன்மை உள்ளடக்கத்திற்குச் செல்

பொம்மை உண்மை - ஆதவன் தீட்சண்யா


இதோ என் காலுக்குக் கீழ் உருண்டு கொண்டிருக்கும் இந்த பூமியை
ஒரு பந்தைப்போல் உதைத்து விளையாடலாமா என்றால்
என்னை ஹிட்லர் என்று சொல்லக்கூடும்.

சரி,
வெடிக்காத ஒரு குண்டைப்போல் தெரிகிற இதன் மையத்தில்
ஒரு திரியைச் சொருகி பற்றவைக்கட்டுமா என்றால்
நீ பயங்கரவாதியா என்கிறீர்கள்.

தாகம் வாட்டுகிற கோடைப்பொழுதில்
தர்ப்பூசணிப்பழம் போல் தெரியுமிதை  அறுத்து
ஆளுக்கொரு கீற்றாய் சாப்பிடக் கூப்பிட்டதற்கு
வக்கிரமான கற்பனையென ஒதுங்கிக்கொண்டீர்கள்.

நிஜத்தில்
என்னவாக இருக்கிறது இந்த பூமி?
மேசை மீதிருந்த குளோப்பை சுழற்றிவிட்டுப் பார்த்திருந்தேன்
தன்னைத்தானே சுற்றிக்கொள்ளத் தெரிந்த அந்த உருண்டை
நான் சுற்றிவிட்டதில் சமநிலை குலைந்து
ஜம்பமாய் தன் தலைப்பாகத்தில் சொருகி வைத்திருந்த
பேனா பென்சில்களை கீழேத் தள்ளியபடி
தீர்க்க அட்ச ரேகைகள் சிதற
சில பாகைகள் சாய்ந்து
அரைவட்ட வடிவத்தில் திறந்துகொண்டது

உள்ளே
கிழித்துப்போட்ட காகிதத்துண்டுகள், குண்டூசிகள்
ரப்பர்பேண்டுகள், இத்யாதி குப்பைகள்

உண்மையைப்போல் பொம்மைகள்
அல்லது
பொம்மையைப் போல் உண்மைகள்

இந்த வலைப்பதிவில் உள்ள பிரபலமான இடுகைகள்

சாஸ்திரம் சடங்கு சம்பிரதாயம் - ஆதவன் தீட்சண்யா

‘‘....ஒரு இந்துவின் வாழ்வின் ஒவ்வொரு கணத்தையும் மதம் கட்டுப்படுத்துகிறது. வாழ்வில் அவன் எவ்வாறு நடந்துகொள்ள வேண்டுமென்றும், செத்த பின்பு அவனது உடல் எவ்வாற கழித்துக் கட்டப்பட வேண்டுமென்றும் அவனுக்கு ஆணையிடுகிறது. சிற்றின்ப வேட்கையில் அவன் எப்படி எப்பொழுது ஈடுபட வேண்டுமென்பதையும் அது அவனுக்குக் கூறுகிறது. ஒரு குழந்தை பிறந்தவுடன் என்னென்ன சடங்குகள் செய்ய வேண்டும், குழந்தைக்கு எப்படிப் பெயரிட வேண்டும், அதன் தலையிலுள்ள முடியை எவ்வாறு சுத்திகரிக்க வேண்டும், அதற்கு முதல் ஆகாரம் எப்படிக் கொடுக்க வேண்டும் என்பனவற்றை மதம் அவனுக்கு எடுத்துரைக்கிறது. அவன் எந்தத்தொழிலில் ஈடுபட வேண்டும், எந்தப்பெண்ணை திருமணம் செய்துகொள்ள வேண்டும் என்பதையும் அது கூறுகிறது. யாருடன் உணவருந்துவது, என்ன உணவை உட்கொள்வது, எந்தெந்த காய்கள் அனுமதிக்கப்பட்டவை, எவை தவிர்க்கப்பட வேண்டியவை என்பதையும் ஒரு நாளை அவன் எவ்வாறு கழிக்க வேண்டும், எத்தனை முறை உணவருந்துவது, எத்தனை முறை தொழுவது என்பதையும் அவனுக்கு உரைக்கிறது. மதம் தழுவாத அல்லது அதனால் ஆணையிடப்படாத எந்தவொரு செயலும் இந்துவின் வாழ்வில் கிடையாது....’’ அண்ணல் அம்பேத்கரின் இவ்வ…

ஜெயமோகன், உங்களைப் போன்றவர்கள் என் பிணத்தைக்கூடப் பார்க்கக்கூடாது- விடியல் சிவா

ஜெயமோகன்,
தோழர்கள் எஸ்.வி.ராஜதுரை, வ.கீதா ஆகியோரால் எழுதப்பட்டதும்  விடியல் பதிப்பகத்தால் வெளியிடப்பட்டதுமான ‘பெரியார்:சுயமரியாதை' நூல் -முன்விலைத் திட்டத்தின் மூலம் விற்பனை செய்யப்பட்ட நூல், அன்னிய   நிதி உதவியைக் கொண்டு தயாரிக்கப்பட்டது என்று நீங்கள் உங்கள் வலைத்தளத்தில் எழுதிய அபாண்டமான பொய்க்கு வருத்தம் தெரிவித்திருக்கிறீர்கள். ஆனால்  “நான் சொன்ன கருத்து நூலாசிரியர்களைப் பற்றியது மட்டுமே தவிர பதிப்பகம் பற்றியது அல்ல” என்று கூறியுள்ளீர்கள். எனது நேர்மையை நீங்கள் சந்தேகிக்கவில்லை என்பதையும் ஒப்புக் கொண்டிருக்கிறீர்கள். மிக்க மகிழ்ச்சி.
“பெரியார்;சுயமரியாதை சமதர்மம்' பற்றிய அந்தக்கருத்து ஒரு பிழையான நினைவில் இருந்து எழுதப்பட்டது” என்று கூறுகிறீர்கள். உங்களது 'பிழையான நினவு'க்கு ஆயுள் எவ்வளவு என்று அறிந்து கொள்ள விரும்புகிறேன். ஏனெனில் இந்தக் கருத்தை கடந்த ஒருவார காலமாக தோழர் எஸ்.வி.ராஜதுரைக்கும் உங்களுக்கும் நடந்து வரும் விவாதங்களூடாக மட்டும்  நீங்கள் வைக்கவில்லை என்பதையும் நீண்டகாலமாகவே இந்தக் கருத்தைச் சொல்லி வருகிறீர்கள் என்பதையும் நீங்களே ஒப்புக் கொண்டிருக்கிறீர்கள…

வேளைக்கொரு வானூர்தியில் பிரதமர் பறந்துகொண்டிருக்க, சாமானியர்களுக்கோ அமரர் ஊர்தி கூட இல்லை - ஆதவன் தீட்சண்யா