முதன்மை உள்ளடக்கத்திற்குச் செல்

ஊர்க்கொளுத்திகள் v2.0 - ஆதவன் தீட்சண்யா

                       
இது தருமபுரி புகைப்படமல்ல




































































2012 நவம்பரில் நத்தம், அண்ணாநகர், கொண்டம்பட்டி. இந்த 2013 நவம்பரில் நிலக்கோட்டை நடுப்பட்டி. இடைப்பட்ட காலத்தில் தமிழகம் ஏதோ சமரசம் உலாவும் இடமாக சாந்தம் கொண்டிருந்ததென யாரும் நினைத்துக்கொள்ள வேண்டியதில்லை. பாச்சாரப்பாளையம், மரக்காணம் என்று அடுத்தடுத்தும் பல வன்கொடுமைகளை நிகழ்த்திக்கொண்டே இருக்கிறவர்கள் தருமபுரி பாணியில் இப்போது கரியாம்பட்டி வன்னியர்கள் வன்கொடுமையை நிகழ்த்தியிருக்கிறார்கள். முற்றத்து வெளிச்சுவரை இடித்துவிட்டதற்கு மூலம் வரும்வரை முக்கிமுக்கி கத்திய "தமிழர்கள்" தலித்துகள் வாழும் வீடுகளை இடித்தும் எரித்தும் தகர்த்திருக்கிறார்கள் நடுப்பட்டியில்.

வெண்மணியில், பதானிதோலாவில், லஷ்மன்பூரில் கொத்துகொத்தாக தலித்துகளைக் கொன்றவர்கள் அனைவரையும் நிரபராதிகள் என்று விடுவிக்க இங்கு நீதிமன்றங்களே இருக்கும்போது, தலித்துகளின் வன்முறையை கட்டுக்குள் கொண்டுவர துப்பாக்குச்சூடு நடத்தியதும் ஏழுபேர் கொல்லப்பட்டது சரிதான் என்று அறிக்கை எழுதிக்கொடுக்க விசாரணைக் கமிஷன்கள் இருக்கும்போது ஊர்க்கொளுத்திகளும் வூடுகொளுத்திகளும்  யாருக்குத்தான் அடங்கப் போகிறார்கள்? வேகமாக வந்த  ரயிலை உடம்பால் மோதி கவிழ்க்க முயன்றதாக இளவரசனது பிணத்தின்மீது மீது இன்னும் வழக்கு பதியாத பெருந்தன்மைக்காக நாம் தமிழக அரசுக்கு நன்றி சொல்லக்கூடியவர்களாக இருக்கிறோம்.

தனக்கு சவால்விடுகிறவர்களை சிறையில் அடைக்கிற முதல்வர், இந்த நாட்டின் சமூக அமைதிக்கும் நல்லிணக்கத்திற்கும் அரசியல் சட்டத்திற்கும் சவால்விடுகிற ஊர்க்கொளுத்திகளை சுதந்திரமாக அலையவிட்டிருக்கிறார். பிறகென்ன வெறியர்களே, ஒவ்வொரு காலனியாக கொளுத்துங்கள். கொளுத்துவதற்கு முன் எந்த ஊர் என்பதை சொல்லிவிட்டு கொளுத்துங்கள். உண்மையறியும் குழுக்கள், உண்மையறியும் குழுக்களின் உண்மையை அறியும் குழுக்கள், நிவாரண உதவிக்குழுக்கள், சாதிவெறி எதிர்ப்பு உரையாளர்கள், சமத்துவக் கவிதை ஒன்றுகூடல் ஏற்பாட்டாளர்கள்., கூட்டறிக்கை விடும் கூட்டமைப்பினர் என்றுள்ள நாங்களெல்லாம் வண்டிவாகனம் பிடித்து- அதற்கு ஸ்பான்சர் பிடித்து பின்னாலேயே வந்துசேர வேண்டுமல்லவா...  நீங்கள் கொளுத்திக்கொண்டே இருங்கள், நாங்கள் கண்டித்துக்கொண்டேயிருக்கிறோம்.... ஊர்பாட்டுக்கு ஊர் எரிந்து கொண்டிருக்கட்டும். வேறு என்னத்த சொல்ல....?

கருத்துகள்

இந்த வலைப்பதிவில் உள்ள பிரபலமான இடுகைகள்

சாஸ்திரம் சடங்கு சம்பிரதாயம் - ஆதவன் தீட்சண்யா

‘‘....ஒரு இந்துவின் வாழ்வின் ஒவ்வொரு கணத்தையும் மதம் கட்டுப்படுத்துகிறது. வாழ்வில் அவன் எவ்வாறு நடந்துகொள்ள வேண்டுமென்றும், செத்த பின்பு அவனது உடல் எவ்வாற கழித்துக் கட்டப்பட வேண்டுமென்றும் அவனுக்கு ஆணையிடுகிறது. சிற்றின்ப வேட்கையில் அவன் எப்படி எப்பொழுது ஈடுபட வேண்டுமென்பதையும் அது அவனுக்குக் கூறுகிறது. ஒரு குழந்தை பிறந்தவுடன் என்னென்ன சடங்குகள் செய்ய வேண்டும், குழந்தைக்கு எப்படிப் பெயரிட வேண்டும், அதன் தலையிலுள்ள முடியை எவ்வாறு சுத்திகரிக்க வேண்டும், அதற்கு முதல் ஆகாரம் எப்படிக் கொடுக்க வேண்டும் என்பனவற்றை மதம் அவனுக்கு எடுத்துரைக்கிறது. அவன் எந்தத்தொழிலில் ஈடுபட வேண்டும், எந்தப்பெண்ணை திருமணம் செய்துகொள்ள வேண்டும் என்பதையும் அது கூறுகிறது. யாருடன் உணவருந்துவது, என்ன உணவை உட்கொள்வது, எந்தெந்த காய்கள் அனுமதிக்கப்பட்டவை, எவை தவிர்க்கப்பட வேண்டியவை என்பதையும் ஒரு நாளை அவன் எவ்வாறு கழிக்க வேண்டும், எத்தனை முறை உணவருந்துவது, எத்தனை முறை தொழுவது என்பதையும் அவனுக்கு உரைக்கிறது. மதம் தழுவாத அல்லது அதனால் ஆணையிடப்படாத எந்தவொரு செயலும் இந்துவின் வாழ்வில் கிடையாது....’’ அண்ணல் அம்பேத்கரின் இவ்வ…

ஜெயமோகன், உங்களைப் போன்றவர்கள் என் பிணத்தைக்கூடப் பார்க்கக்கூடாது- விடியல் சிவா

ஜெயமோகன்,
தோழர்கள் எஸ்.வி.ராஜதுரை, வ.கீதா ஆகியோரால் எழுதப்பட்டதும்  விடியல் பதிப்பகத்தால் வெளியிடப்பட்டதுமான ‘பெரியார்:சுயமரியாதை' நூல் -முன்விலைத் திட்டத்தின் மூலம் விற்பனை செய்யப்பட்ட நூல், அன்னிய   நிதி உதவியைக் கொண்டு தயாரிக்கப்பட்டது என்று நீங்கள் உங்கள் வலைத்தளத்தில் எழுதிய அபாண்டமான பொய்க்கு வருத்தம் தெரிவித்திருக்கிறீர்கள். ஆனால்  “நான் சொன்ன கருத்து நூலாசிரியர்களைப் பற்றியது மட்டுமே தவிர பதிப்பகம் பற்றியது அல்ல” என்று கூறியுள்ளீர்கள். எனது நேர்மையை நீங்கள் சந்தேகிக்கவில்லை என்பதையும் ஒப்புக் கொண்டிருக்கிறீர்கள். மிக்க மகிழ்ச்சி.
“பெரியார்;சுயமரியாதை சமதர்மம்' பற்றிய அந்தக்கருத்து ஒரு பிழையான நினைவில் இருந்து எழுதப்பட்டது” என்று கூறுகிறீர்கள். உங்களது 'பிழையான நினவு'க்கு ஆயுள் எவ்வளவு என்று அறிந்து கொள்ள விரும்புகிறேன். ஏனெனில் இந்தக் கருத்தை கடந்த ஒருவார காலமாக தோழர் எஸ்.வி.ராஜதுரைக்கும் உங்களுக்கும் நடந்து வரும் விவாதங்களூடாக மட்டும்  நீங்கள் வைக்கவில்லை என்பதையும் நீண்டகாலமாகவே இந்தக் கருத்தைச் சொல்லி வருகிறீர்கள் என்பதையும் நீங்களே ஒப்புக் கொண்டிருக்கிறீர்கள…

வேளைக்கொரு வானூர்தியில் பிரதமர் பறந்துகொண்டிருக்க, சாமானியர்களுக்கோ அமரர் ஊர்தி கூட இல்லை - ஆதவன் தீட்சண்யா