முதன்மை உள்ளடக்கத்திற்குச் செல்

ஹைதராபாத் பல்கலைக்கழகத்தில் உரையாற்ற மார்க்ஸிய அறிஞர் மார்ஸெல்லொ முஸ்ட்டோ மறுப்பு


ஆய்வு மாணவர் ரோஹித் வெமுலாவைநிறுவனக்கொலை செய்திருக்கும் ஹைதராபாத் மத்திய பல்கலைக்கழகத்தில் உரையாற்ற மார்க்ஸிய அறிஞர் மார்ஸெல்லொ முஸ்ட்டோ மறுப்பு

பெறுகை
ஹைதரபாத் பல்கலைக்கழகம்                                                       ஜனவரி 26,2016
அரசியல் விஞ்ஞானத் துறை
சமூக விஞ்ஞானப் பள்ளி
மத்தியப் பல்கலைக்கழகம் அஞ்சல்
ஹைதராபாத்-500 046
ஆந்திரப் பிரதேசம்

அன்புள்ள சக ஆசிரியர்களுக்கு,
            வரும் பிப்ரவரியில்  இந்தியாவில் நான் மேற்கொள்ளத் திட்டமிட்டிருக்கும் கல்விப்புலம் சார்ந்த பயணத்தின் பகுதியாக, ஹைதராபாத் பல்கலைக்கழகத்தின் அரசியல் விஞ்ஞானத்துறையில் வருகை ஆசிரியராக சில நாள்களைச் செலவிடுமாறு கடந்த அக்டோபர் 15 அன்று அழைக்கப்பட்டு, அந்த சந்தர்ப்பத்தில் கார்ல் மார்க்ஸ் பற்றியும் அவரது கோட்பாடுகள் உலகளவில் புத்தாக்கம் பெறுவது பற்றியும் தொடர் சொற்பொழிவுகள் ஆற்றுமாறு கேட்கப்பட்டேன். நானும் உங்கள் மாணவர்களைச் சந்திக்க மிகவும் ஆவல் கொண்டிருந்தேன்.

ஆனால், முனைவர் பட்ட ஆராய்ச்சி மாணவர் ரோஹித் வெமுலாவின் துயரமிக்க மரணம் பற்றியும், வேறு நான்கு மாணவர்களைத் தன்னிச்சையாக இடைநீக்கம் செய்த உங்கள் பல்கலைக்கழகத்தின் பாரபட்சக் கொள்கைகளைப் பற்றியும் கடந்தவாரம் நான் கேள்விப்பட்டேன்.  பல்கலைக்கழகத்தின் இந்த நடவடிக்கைகள்  ‘நிறுவனரீதியான மரணம்’ என்று வரையறுக்கப்படும் ஒன்றுக்கான நிலைமைகளை உருவாக்கியுள்ளன என்று வாதிடுபவர்களுடன் நான் உடன்படுகிறேன். அத்துடன்  உங்கள் பல்கலைக்கழக வளாகத்தில் நடந்து கொண்டிருப்பவையும், மிக வேகமாக நாடு முழுவதும் பரவிக் கொண்டிருக்கின்றவையுமான எதிர்ப்புப் போராட்டங்கள், பேரணிகள் ஆகியவற்றை நான்  முழுமையாக ஆதரிக்கின்றேன்.
           
இந்தச் சூழ்நிலைமகளில், இந்த மாணவர் போராட்டத்துடன் உண்மையான ஒருமைப்பாடு கொள்ளாத பல்கலைக்கழகச் செயல்பாடுகள் எதிலும் நான் பங்கேற்கமாட்டேன் என்பதை அறிவிக்க விரும்புகிறேன்.

                        உண்மையுள்ள
                        மார்ஸெல்லோ முஸ்ட்டோ

தமிழில்:  எஸ்.வி. ராஜதுரை
புதுவிசை 45

கருத்துகள்

இந்த வலைப்பதிவில் உள்ள பிரபலமான இடுகைகள்

சாஸ்திரம் சடங்கு சம்பிரதாயம் - ஆதவன் தீட்சண்யா

‘‘....ஒரு இந்துவின் வாழ்வின் ஒவ்வொரு கணத்தையும் மதம் கட்டுப்படுத்துகிறது. வாழ்வில் அவன் எவ்வாறு நடந்துகொள்ள வேண்டுமென்றும், செத்த பின்பு அவனது உடல் எவ்வாற கழித்துக் கட்டப்பட வேண்டுமென்றும் அவனுக்கு ஆணையிடுகிறது. சிற்றின்ப வேட்கையில் அவன் எப்படி எப்பொழுது ஈடுபட வேண்டுமென்பதையும் அது அவனுக்குக் கூறுகிறது. ஒரு குழந்தை பிறந்தவுடன் என்னென்ன சடங்குகள் செய்ய வேண்டும், குழந்தைக்கு எப்படிப் பெயரிட வேண்டும், அதன் தலையிலுள்ள முடியை எவ்வாறு சுத்திகரிக்க வேண்டும், அதற்கு முதல் ஆகாரம் எப்படிக் கொடுக்க வேண்டும் என்பனவற்றை மதம் அவனுக்கு எடுத்துரைக்கிறது. அவன் எந்தத்தொழிலில் ஈடுபட வேண்டும், எந்தப்பெண்ணை திருமணம் செய்துகொள்ள வேண்டும் என்பதையும் அது கூறுகிறது. யாருடன் உணவருந்துவது, என்ன உணவை உட்கொள்வது, எந்தெந்த காய்கள் அனுமதிக்கப்பட்டவை, எவை தவிர்க்கப்பட வேண்டியவை என்பதையும் ஒரு நாளை அவன் எவ்வாறு கழிக்க வேண்டும், எத்தனை முறை உணவருந்துவது, எத்தனை முறை தொழுவது என்பதையும் அவனுக்கு உரைக்கிறது. மதம் தழுவாத அல்லது அதனால் ஆணையிடப்படாத எந்தவொரு செயலும் இந்துவின் வாழ்வில் கிடையாது....’’ அண்ணல் அம்பேத்கரின் இவ்வ…

ஜெயமோகன், உங்களைப் போன்றவர்கள் என் பிணத்தைக்கூடப் பார்க்கக்கூடாது- விடியல் சிவா

ஜெயமோகன்,
தோழர்கள் எஸ்.வி.ராஜதுரை, வ.கீதா ஆகியோரால் எழுதப்பட்டதும்  விடியல் பதிப்பகத்தால் வெளியிடப்பட்டதுமான ‘பெரியார்:சுயமரியாதை' நூல் -முன்விலைத் திட்டத்தின் மூலம் விற்பனை செய்யப்பட்ட நூல், அன்னிய   நிதி உதவியைக் கொண்டு தயாரிக்கப்பட்டது என்று நீங்கள் உங்கள் வலைத்தளத்தில் எழுதிய அபாண்டமான பொய்க்கு வருத்தம் தெரிவித்திருக்கிறீர்கள். ஆனால்  “நான் சொன்ன கருத்து நூலாசிரியர்களைப் பற்றியது மட்டுமே தவிர பதிப்பகம் பற்றியது அல்ல” என்று கூறியுள்ளீர்கள். எனது நேர்மையை நீங்கள் சந்தேகிக்கவில்லை என்பதையும் ஒப்புக் கொண்டிருக்கிறீர்கள். மிக்க மகிழ்ச்சி.
“பெரியார்;சுயமரியாதை சமதர்மம்' பற்றிய அந்தக்கருத்து ஒரு பிழையான நினைவில் இருந்து எழுதப்பட்டது” என்று கூறுகிறீர்கள். உங்களது 'பிழையான நினவு'க்கு ஆயுள் எவ்வளவு என்று அறிந்து கொள்ள விரும்புகிறேன். ஏனெனில் இந்தக் கருத்தை கடந்த ஒருவார காலமாக தோழர் எஸ்.வி.ராஜதுரைக்கும் உங்களுக்கும் நடந்து வரும் விவாதங்களூடாக மட்டும்  நீங்கள் வைக்கவில்லை என்பதையும் நீண்டகாலமாகவே இந்தக் கருத்தைச் சொல்லி வருகிறீர்கள் என்பதையும் நீங்களே ஒப்புக் கொண்டிருக்கிறீர்கள…

வேளைக்கொரு வானூர்தியில் பிரதமர் பறந்துகொண்டிருக்க, சாமானியர்களுக்கோ அமரர் ஊர்தி கூட இல்லை - ஆதவன் தீட்சண்யா