முதன்மை உள்ளடக்கத்திற்குச் செல்

மாலைக்கண் - ஆதவன் தீட்சண்யா

ன்ன சொல்லிவிட்டீர் என்னைப்பற்றி
அரங்கதிர நிகழ்த்திய சொற்பொழிவில்
வானவில் தோய்த்த ஓவியத்தில்
ஆளுயரம் தடித்த காவியத்தில்

உயிர்த்துயிர்த்து எழுந்தும் உயிரிழந்தேன்
அடிமைகள் கலகம் தொடங்கி

நிறவெறியொழிப்புத் தொட்டு ஒவ்வொன்றிலும்
மிருகாதிகாரத்தால் பின்னும் கொன்றனர்
மிச்சமிருந்த வழிகளில்

நீங்களோ
பூவிதழ்மென்மை புலர்காலை பனித்துளி
அந்திவானம் ஆழ்மனவோட்டம்
வண்ணத்துப்பூச்சி வசீகரப்பாட்டு
குழந்தையின் சிரிப்பு குமரியின் மதர்ப்பு
எல்லாம் படைத்தபின் என்னைப் படித்தீர்
வெறும்
பெயர்களாய் செய்தியாய்
ஸ்பார்ட்டகஸ்... நந்தன்... பகத்சிங்
பெஞ்சமின் மொலாய்ஸ்*
ஜெர்மனியர்... இலங்கையர்...
ரூப்கன்வர்... வெண்மணியர்... சப்தர் ஹஷ்மி...*
மண்டைக்காடு... விழுப்புரம்..
பிஹார்... ராஜஸ்தான்
எமர்ஜென்சி... துர்க்மான் கேட்...
சின்னாம்பதி... வாச்சாத்தி...

இப்போதும்
அழுந்தும் பாறைகளின் அடியிலிருந்து விலகி
முளைவிட முடியாத விதையின் சோகத்தோடு
நிகழும் என் மரணச்செய்தி வெளியாகும்:
"வேலையில்லா வாலிபர் தற்கொலை
ஸ்டவ் வெடித்து இளம்பெண் மரணம்
மதக் கலவரத்தில் 736 பேர் பலி
சோமாலியா காளஹஸ்தியில் பட்டினிச்சாவு''
இதிலும்
கவித்துவம் அழகியல் தேடி
இல்லையென்று கண்புதைப்பீர்
வேறெங்கோ

வேறென்ன சொல்லிவிடப் போகிறீர்
என்னைப் பற்றி
அரங்கதிர நிகழ்த்தும் .......................

எனக்காக
உமது
பேனா தூரிகை மேடை சதங்கை
எதுவும் அசையாத போதும்
உமக்கும் எனக்கும்
மனிதன் என்பதே பொதுப்பெயரா
நீரென்ன செய்வீர்
ஆயிரம் சிந்தனை
"கொங்குதேர் வாழ்க்கை
அஞ்சிறைத்தும்பி...

( * இங்கு நான் சக கலைஞன் என்பதற்காகவும் நீங்கள் கசியாது வாசீத்தீர்).

கருத்துகள்

இந்த வலைப்பதிவில் உள்ள பிரபலமான இடுகைகள்

சாஸ்திரம் சடங்கு சம்பிரதாயம் - ஆதவன் தீட்சண்யா

‘‘....ஒரு இந்துவின் வாழ்வின் ஒவ்வொரு கணத்தையும் மதம் கட்டுப்படுத்துகிறது. வாழ்வில் அவன் எவ்வாறு நடந்துகொள்ள வேண்டுமென்றும், செத்த பின்பு அவனது உடல் எவ்வாற கழித்துக் கட்டப்பட வேண்டுமென்றும் அவனுக்கு ஆணையிடுகிறது. சிற்றின்ப வேட்கையில் அவன் எப்படி எப்பொழுது ஈடுபட வேண்டுமென்பதையும் அது அவனுக்குக் கூறுகிறது. ஒரு குழந்தை பிறந்தவுடன் என்னென்ன சடங்குகள் செய்ய வேண்டும், குழந்தைக்கு எப்படிப் பெயரிட வேண்டும், அதன் தலையிலுள்ள முடியை எவ்வாறு சுத்திகரிக்க வேண்டும், அதற்கு முதல் ஆகாரம் எப்படிக் கொடுக்க வேண்டும் என்பனவற்றை மதம் அவனுக்கு எடுத்துரைக்கிறது. அவன் எந்தத்தொழிலில் ஈடுபட வேண்டும், எந்தப்பெண்ணை திருமணம் செய்துகொள்ள வேண்டும் என்பதையும் அது கூறுகிறது. யாருடன் உணவருந்துவது, என்ன உணவை உட்கொள்வது, எந்தெந்த காய்கள் அனுமதிக்கப்பட்டவை, எவை தவிர்க்கப்பட வேண்டியவை என்பதையும் ஒரு நாளை அவன் எவ்வாறு கழிக்க வேண்டும், எத்தனை முறை உணவருந்துவது, எத்தனை முறை தொழுவது என்பதையும் அவனுக்கு உரைக்கிறது. மதம் தழுவாத அல்லது அதனால் ஆணையிடப்படாத எந்தவொரு செயலும் இந்துவின் வாழ்வில் கிடையாது....’’ அண்ணல் அம்பேத்கரின் இவ்வ…

ஜெயமோகன், உங்களைப் போன்றவர்கள் என் பிணத்தைக்கூடப் பார்க்கக்கூடாது- விடியல் சிவா

ஜெயமோகன்,
தோழர்கள் எஸ்.வி.ராஜதுரை, வ.கீதா ஆகியோரால் எழுதப்பட்டதும்  விடியல் பதிப்பகத்தால் வெளியிடப்பட்டதுமான ‘பெரியார்:சுயமரியாதை' நூல் -முன்விலைத் திட்டத்தின் மூலம் விற்பனை செய்யப்பட்ட நூல், அன்னிய   நிதி உதவியைக் கொண்டு தயாரிக்கப்பட்டது என்று நீங்கள் உங்கள் வலைத்தளத்தில் எழுதிய அபாண்டமான பொய்க்கு வருத்தம் தெரிவித்திருக்கிறீர்கள். ஆனால்  “நான் சொன்ன கருத்து நூலாசிரியர்களைப் பற்றியது மட்டுமே தவிர பதிப்பகம் பற்றியது அல்ல” என்று கூறியுள்ளீர்கள். எனது நேர்மையை நீங்கள் சந்தேகிக்கவில்லை என்பதையும் ஒப்புக் கொண்டிருக்கிறீர்கள். மிக்க மகிழ்ச்சி.
“பெரியார்;சுயமரியாதை சமதர்மம்' பற்றிய அந்தக்கருத்து ஒரு பிழையான நினைவில் இருந்து எழுதப்பட்டது” என்று கூறுகிறீர்கள். உங்களது 'பிழையான நினவு'க்கு ஆயுள் எவ்வளவு என்று அறிந்து கொள்ள விரும்புகிறேன். ஏனெனில் இந்தக் கருத்தை கடந்த ஒருவார காலமாக தோழர் எஸ்.வி.ராஜதுரைக்கும் உங்களுக்கும் நடந்து வரும் விவாதங்களூடாக மட்டும்  நீங்கள் வைக்கவில்லை என்பதையும் நீண்டகாலமாகவே இந்தக் கருத்தைச் சொல்லி வருகிறீர்கள் என்பதையும் நீங்களே ஒப்புக் கொண்டிருக்கிறீர்கள…

வேளைக்கொரு வானூர்தியில் பிரதமர் பறந்துகொண்டிருக்க, சாமானியர்களுக்கோ அமரர் ஊர்தி கூட இல்லை - ஆதவன் தீட்சண்யா