முதன்மை உள்ளடக்கத்திற்குச் செல்

கூடங்குளம் அணுஉலை எதிர்ப்புப் போராட்டக்குழுவினருடன் த.மு.எ.க.ச. பொதுச்செயலாளர் சந்திப்பு


தமிழ்நாடு முற்போக்கு எழுத்தாளர் கலைஞர்கள் சங்கத்தின் பொதுச்செயலாளர் தோழர்.சு.வெங்கடேசன் நேற்று (4.10.12) திரு.உதயகுமார், புஷ்பராயன், முகிலன், 'பூவுலகின் நண்பர்கள்' சுந்தரராசன் உள்ளிட்ட  கூடங்குளம் அணுஉலை எதிர்ப்புப் போராட்டக் குழுவினரைச் சந்தித்தார். முன்னதாக அவர், போராட்டத்தின்போது துப்பாக்கிச்சூட்டில் கொல்லப்பட்ட திரு.அந்தோணிஜான் மற்றும் விமானத்தை மோதவிட்டு கொல்லப்பட்ட திரு.சகாயம் ஆகியோரது இல்லங்களுக்குச் சென்று அஞ்சலி செலுத்திவிட்டு அன்னாரது குடும்பங்களுக்கும் ஆறுதல் தெரிவித்தார்.
அமைதிவழியில் போராடும் இடிந்தகரை மக்கள்மீது தமிழக அரசு காவல்துறையைக் கொண்டு அடக்குமுறையை ஏவக்கூடாது; அவர்களுக்கெதிராக தொடுக்கப்பட்டுள்ள வழக்குகள் அனைத்தையும் நிபந்தனையின்றி திரும்பப்பெற வேண்டும்

கூடங்குளம் பகுதி மக்களின் வாழ்வாதாரம்,பாதுகாப்பு, கடல்வளம்,சுற்றுச்சூழல் தொடர்பாக சுயேட்சையான நிபுணர் குழுவை அமைத்து ஆய்வு செய்ய வேண்டும். அதுவரை அணுஉலையைச் செயல்படுத்தும் நடவடிக்கைகளை நடுவண் அரசு நிறுத்தி வைக்கவேண்டும்.

அணுஉலை விபத்துக்கான இழப்பீட்டுக்கு உச்சவரம்பு விதிக்கும் சட்டத்தைத் திரும்பப் பெறவேண்டும்.  - எனக் கோரியும்

போராடும் மக்களில் இருவரை துப்பாக்கிச்சூடு நடத்தியும், விமானத்தை மோதவிட்டும் கொன்றது

காவல்துறையினர் பெண்களை அவமானப்படுத்துவது 

கூடங்குளம் அணுஉலை எதிர்ப்புப் போராட்டக்காரர்கள் மீது
மத்திய- மாநில அரசுகள் அடக்குமுறைகளை ஏவுவது
- ஆகியவற்றைக் கண்டித்தும்,
13-10-2012 சனிக்கிழமையன்று திருநெல்வேலியில்  ஆர்ப்பாட்டம் நடத்துவதென்னும் தமிழ்நாடு முற்போக்கு எழுத்தாளர் கலைஞர்கள் சங்கத்தின் செயற்குழு முடிவை அப்போது போராட்டக்குழுவினரிடம் அவர் தெரிவித்தார்.


கருத்துகள்

இந்த வலைப்பதிவில் உள்ள பிரபலமான இடுகைகள்

சாஸ்திரம் சடங்கு சம்பிரதாயம் - ஆதவன் தீட்சண்யா

‘‘....ஒரு இந்துவின் வாழ்வின் ஒவ்வொரு கணத்தையும் மதம் கட்டுப்படுத்துகிறது. வாழ்வில் அவன் எவ்வாறு நடந்துகொள்ள வேண்டுமென்றும், செத்த பின்பு அவனது உடல் எவ்வாற கழித்துக் கட்டப்பட வேண்டுமென்றும் அவனுக்கு ஆணையிடுகிறது. சிற்றின்ப வேட்கையில் அவன் எப்படி எப்பொழுது ஈடுபட வேண்டுமென்பதையும் அது அவனுக்குக் கூறுகிறது. ஒரு குழந்தை பிறந்தவுடன் என்னென்ன சடங்குகள் செய்ய வேண்டும், குழந்தைக்கு எப்படிப் பெயரிட வேண்டும், அதன் தலையிலுள்ள முடியை எவ்வாறு சுத்திகரிக்க வேண்டும், அதற்கு முதல் ஆகாரம் எப்படிக் கொடுக்க வேண்டும் என்பனவற்றை மதம் அவனுக்கு எடுத்துரைக்கிறது. அவன் எந்தத்தொழிலில் ஈடுபட வேண்டும், எந்தப்பெண்ணை திருமணம் செய்துகொள்ள வேண்டும் என்பதையும் அது கூறுகிறது. யாருடன் உணவருந்துவது, என்ன உணவை உட்கொள்வது, எந்தெந்த காய்கள் அனுமதிக்கப்பட்டவை, எவை தவிர்க்கப்பட வேண்டியவை என்பதையும் ஒரு நாளை அவன் எவ்வாறு கழிக்க வேண்டும், எத்தனை முறை உணவருந்துவது, எத்தனை முறை தொழுவது என்பதையும் அவனுக்கு உரைக்கிறது. மதம் தழுவாத அல்லது அதனால் ஆணையிடப்படாத எந்தவொரு செயலும் இந்துவின் வாழ்வில் கிடையாது....’’ அண்ணல் அம்பேத்கரின் இவ்வ…

ஜெயமோகன், உங்களைப் போன்றவர்கள் என் பிணத்தைக்கூடப் பார்க்கக்கூடாது- விடியல் சிவா

ஜெயமோகன்,
தோழர்கள் எஸ்.வி.ராஜதுரை, வ.கீதா ஆகியோரால் எழுதப்பட்டதும்  விடியல் பதிப்பகத்தால் வெளியிடப்பட்டதுமான ‘பெரியார்:சுயமரியாதை' நூல் -முன்விலைத் திட்டத்தின் மூலம் விற்பனை செய்யப்பட்ட நூல், அன்னிய   நிதி உதவியைக் கொண்டு தயாரிக்கப்பட்டது என்று நீங்கள் உங்கள் வலைத்தளத்தில் எழுதிய அபாண்டமான பொய்க்கு வருத்தம் தெரிவித்திருக்கிறீர்கள். ஆனால்  “நான் சொன்ன கருத்து நூலாசிரியர்களைப் பற்றியது மட்டுமே தவிர பதிப்பகம் பற்றியது அல்ல” என்று கூறியுள்ளீர்கள். எனது நேர்மையை நீங்கள் சந்தேகிக்கவில்லை என்பதையும் ஒப்புக் கொண்டிருக்கிறீர்கள். மிக்க மகிழ்ச்சி.
“பெரியார்;சுயமரியாதை சமதர்மம்' பற்றிய அந்தக்கருத்து ஒரு பிழையான நினைவில் இருந்து எழுதப்பட்டது” என்று கூறுகிறீர்கள். உங்களது 'பிழையான நினவு'க்கு ஆயுள் எவ்வளவு என்று அறிந்து கொள்ள விரும்புகிறேன். ஏனெனில் இந்தக் கருத்தை கடந்த ஒருவார காலமாக தோழர் எஸ்.வி.ராஜதுரைக்கும் உங்களுக்கும் நடந்து வரும் விவாதங்களூடாக மட்டும்  நீங்கள் வைக்கவில்லை என்பதையும் நீண்டகாலமாகவே இந்தக் கருத்தைச் சொல்லி வருகிறீர்கள் என்பதையும் நீங்களே ஒப்புக் கொண்டிருக்கிறீர்கள…

வேளைக்கொரு வானூர்தியில் பிரதமர் பறந்துகொண்டிருக்க, சாமானியர்களுக்கோ அமரர் ஊர்தி கூட இல்லை - ஆதவன் தீட்சண்யா