முதன்மை உள்ளடக்கத்திற்குச் செல்

இடுகைகள்

May, 2017 இலிருந்து இடுகைகளைக் காட்டுகிறது

உனக்கு நான் வழங்குவது - ஆஸாங் வாங்கடெ

சென்ற வாரம் உத்தரப்பிரதேசக் கிராமங்கள் சிலவற்றுக்கு முதலமைச்சர் யோகி ஆதித்யநாத் சென்றபோது, அவரைப் பார்ப்பதற்கு முன் அங்குள்ள தலித்துகள் தங்களைச் சுத்தப்படுத்திக் கொள்ளவேண்டும் என்று அவர்களுக்கு அந்த  மாநில அரசாங்கம் சோப்பையும் ஷாம்பூவையும் வழங்கிய செயல்  நாடெங்கிலும் கடுமையான எதிர்ப்பை உருவாக்கியது. அரசாங்கத்தின் அந்த ஈனச்செயலுக்கு எதிர்வினையாக  எழுதப்பட்ட கவிதையின் ஆங்கில மொழியாக்கம் 'thewire.in' இணையதள ஏட்டில் வெளிவந்துள்ளது. தலித் கவிஞரும் வழக்குரைஞருமான ஆஸாங் வாங்கடெ, டெல்லியிலுள்ள தேசியப் பல்கலைக்கழகத்தில் அம்பேத்கர் – பெரியார் - புலே ஆய்வு வட்டத்தை நிறுவியவர்களிலொருவர்.
ஆங்கிலம் வழித் தமிழாக்கம்:வ.கீதா 
மனு எங்களைச் சுத்தமற்றவனாக்கினான் உனது காழ்ப்பேறிய மனம் காரணமாக சாதிப் பெயர்கள், ஒதுக்குதல் ஆகியவற்றின் வாடை என் உடம்பில். புண்களின் நாற்றத்தில் நான் ஒளிர்கிறேன் நான் நாறுவது என் மீதான  ஒடுக்குமுறையால், 
உனது மலத்தால் அல்ல.
உனது எசமானனைத் திருப்திப்படுத்த நீ எனக்கு சோப்பும்  ஷாம்பூம் இன்று  வழங்கினாய் நாற்றமடிக்கும் அந்த நாக்குகளை சிறுபான்மை மக்களைப் பாலியல் வன்முறை செய்வோம், 
வெட்டு…

சொல்லவே முடியாத கதைகளின் கதை - ஆதவன் தீட்சண்யா

என் கதையை நானே சொல்லணும்னு ஆசைதான். ஆனா யார்ட்ட சொல்றது? 'உம்' கொட்ட யாரிருக்கா... அவவங்களுக்கு அவவங்க கதையே பெருசு. இதுல அடுத்தாளு கதையைக் கேக்க யாருக்கு ஏலும்...? அதனால தான் யாரும் யார்க்கிட்டயும் எதையும் சொல்றதில்ல. உப்பரிகை மஞ்சத்துல ஒய்யாரமா படுத்திருந்தது, அண்டரண்ட பட்சிக்கிட்ட அளவளாவிக் கிடந்தது, அகிலும் சந்தனமும் பூசி அரண்மனைத் தடாகத்துல நீராடினது, தாதியும் சேடியும் தங்கக் கிண்ணத்துல சோறூட்டினதுன்னு பெருமையா சொல்றதுக்கு நாம என்ன ராசகுமாரியா? மந்திரிமகளா...? கோடுகொடுமையா கெடக்குற பொழப்புல கும்மாளமேது கொண்டாட்டமேது...? சின்னப்பட்டது சீரழிஞ்சதுன்னு நல்லத்தங்கா கதையாட்டந்தான் நம்ம கதையும்.
கதை சொல்றதில் எங்க பாட்டிக்கு ஈடா இன்னொருத்தர் பொறந்து வரணும். அவ்ளோ கதை சொல்வா. தெருப்புள்ளைங்க பூராவுக்கும் எங்க வளவுல தான் ராப்படுக்கை. மழைக்காலத்துல தான் அமுட்டுப்பேரும் படுக்க திண்டாட்டமாயிரும். அந்தா அங்க இடிஞ்சி குட்டிச்செவரா கெடக்கே அதுதான் அப்ப ஸ்கோல். ஸ்கோல்னா என்னா, ராமம்போட்ட வாத்தியார் ஒருத்தர் மாசத்துல ரண்டொருநாள் வந்துபோறதுதான். மத்தநாள்ல பூட்டித்தான் கெடக்கும். நான்கூட ஒரு…

நான் விரும்புவது… யெவ்கெனி யெவ்டுஷெங்கோ

யெவ்கெனி யெவ்டுஷெங்கோ (10.07.1933 -01.04.2017) அவர்களின் இக்கவிதை "உங்கள் நூலகம்" இதழில் வெளியாகியுள்ளது. தமிழாக்கமும் விளக்கக்குறிப்பும்: தோழர் எஸ்.வி.ராஜதுரை.

ஒவ்வொரு நாட்டிலும் பிறக்கவும் அயல்நாட்டுத்துறை அலுவலகங்கள் அனைத்தையும் பீதியில் ஆழ்த்துவதற்கு அனைத்து நாடுகளுக்குமான கடவுச்சீட்டைப் பெறவும் விரும்புகிறேன் ஒவ்வொரு பெருங்கடலிலும் உள்ள ஒவ்வொரு மீனாகவும் தெருவோரப் பாதைகள் அனைத்திலும் திரியும் நாயாகவும் இருக்க விரும்புகிறேன் எந்த விக்கிரங்களுக்கும் முன்னால் தலைவணங்கவோ ஆர்த்தடாக்ஸ் திருச்சபையால் ஈர்க்கப்பட்ட ஹிப்பியாக இருக்கவோ எனக்கு விருப்பமில்லை ஆனால், பய்கால் ஏரியின் ஆழத்தில் குதித்து தண்ணீரிலிருந்து வேறெங்கேனும் மேலெழும்பி மூச்சுவிட விருப்பம் அந்த இடம் ஏன் மிஸிஸிப்பியாக இருக்கக்கூடாது? எனது நேசத்துக்குரிய பேரண்டத்தில் தன்னந்தனியான காட்டுச் செடியாக இருக்க விருப்பம், ஆனால் கண்ணாடியில் தனது முகத்தையே முத்தமிடும் நுண்ணய நார்ஸிஸாக அல்ல. கடவுளின் பல படைப்புகளில் ஏதோவொன்றாக இருக்க விரும்புகிறேன் அசிங்கமான கழுதைப்புலியாகவும்கூட ஆனால் ஒருபோதும் கொடுங்கோலனாக அல்ல…

வேட்டை - ஆதவன் தீட்சண்யா

அந்தியில் கிளம்புது சேனை பம்மி வருகிறது இருட்டு நிலவு வருமோ அமாவாசையாகத் தானிருக்கட்டுமே கண்கள் ஜொலிக்கிறது திமிர்க்கிறது கால்களும் தோள்களும் எங்கோ விலகி நெளிந்துக்கிடந்தப் பாதை அடங்கியசைகிறது பாதங்களுக்கடியில் இலக்கை முன்னறிந்து தாழங்குத்திலிருந்து ஓசையற்று இறங்கிவரும் பூநாகங்கள் தீண்டும் முன்பே மிதிபட்டுச் சுருள காரை சூரைப் புதர் விலக்கி கடக்கிறோம் வெந்துகொண்டிருக்கும் பிணத்தை எட்டுக்கையாலும் பிய்த்துத் தின்னும் ஓங்காரி எதிர் நேர்வோரை காவு கொண்டுவிடுமென்று பயங்காட்டி மறித்தோரை உதைத்தோட்டிவிட்டு சுடலைகள் வழியேயும் தொடர்கிறது பயணம் சில்வண்டுகளும் காட்டுராசிகளும் சதங்கையென ஜதியூட்ட மோகினியோவென அஞ்சிக் கிளர்ச்சியுற்று மல்லியப்பூ வாசத்துக்கு அலைகிறது நாசி கக்கிவைத்த மாணிக்கக்கல்லொளியில் இரைதேடிய முதிர்நாகம் அச்சத்தில் விழுங்கி மறைகிறது புற்றுக்குள் உருவிய உடைவாளை உறைக்குள் சொருகிக் கொள்ளவே நேரமில்லை குழியிலும் சுழியிலும் இறங்கிய புனித அழுக்குகளை சொந்த நதிகளில் கழுவிக்கொண்டு கடல்மேல் நடந்து மலைகளைப் பிளக்கிறோம் வெள்ளி முளைக்கையில் சிறகுகள் பொசுங்கப் பொசுங்க கிரணமண்டலத்துள் பாயும…

சுய விலக்கம் - ஆதவன் தீட்சண்யா

நகரத்தின் மோஸ்தருக்குள் முற்றாய் பொருந்திவிட்ட என்னை அத்தனை சுளுவாய் அடையாளம் கண்டுவிடமுடியாது எனக்கே தெரியுமன்றாலும் அறுந்த செருப்பை தெருவோர காப்ளரிடம் தான் தைத்துக்கொள்கிறேன் வீட்டுக்கே வந்து டோபி துணியெடுத்துப் போகிறான் முன்னொரு காலத்து என் அம்மா போல நீயமரும் இருக்கையிலேயே எனக்கும் சவரம் சலூனில் பரம்பரையின் அழுக்கு அண்டிவிடக்கூடாதென்று நகங்களைக்கூட நறுவிசாக வெட்டிக்கொள்கிறேன் அதீத கவனத்தோடு ஊரை மறக்கிறேன் புறப்பட்டுவந்த சுவடு தெரியாதிருக்க சண்டேக்களில் மட்டனோ சிக்கனோதான் பீப் என்றால் என்னவென்றே தெரியாது என் பிள்ளைகளுக்கு ரிசர்வேசனுக்கெதிரான உங்களின் உரையாடலின் போதும் "நாயைக் குளிப்பாட்டி நடுவீட்டில் வைத்தாலும்..." என்கிற போதும் யாரையோ வைவதாய் பாவனை கொள்கிறேன் பதைக்கும் மனமடக்கி "உங்கம்மாளப் போட்டு பறையன் சக்கிலிப் போக..." என்ற வசவுகளின் போது அதுக்கும் கூட உங்களுக்கு நாங்க தான் வேணுமா என்றும் சாவு வீடுகளில் வதக்வதக்கென்று யாராச்சும் ஜதிகெட்டு கொட்டடித்தால் எங்கப்பனாட்டம் உன்னால அடிச்சி ஆடமுடியுமா என்றும் கேட்கத்துள்ளும் நாக்கை எத்தனைசிரமப்பட்டு அடக்கிக்கொள்…

பார்ப்பனரல்லாதார் சாதி இந்துக்களாக மாறிய கதை - வ.கீதா

டிசம்பர் 1917இல் பார்ப்பனரல்லாதார் அறிக்கை வெளியானது. இந்திய தேசிய இயக்கத்தின் ஒரு பிரிவாக அன்னி பெஸண்டின் தலைமையில் செயல்பட்ட ஹோம்ரூல் லீக் வெகுவீரியமாக இயங்கிக்கொண்டிருந்த காலக்கட்டம் அது. இந்திய தேசியம் தொடர்பான சொல்லாடல்கள், குறிப்பாக இந்து சமுதாயத்தின் பழம் பெருமை பற்றிய பேச்சு தீவிரமாக முன்னெக்கப்பட்ட தருணம். இந்த சூழ்நிலையில் தான் பார்ப்பனரல்லாத சமுதாயங்களை சேர்ந்த முக்கியஸ்தர்கள் பலர் ஒன்றிணைந்து மேற்கண்ட அறிக்கையை வெளியிட்டனர். அறிக்கை வெளியானதை தொடர்ந்து 1917 ஆம் ஆண்டு முழுக்க சென்னை மாகாணம்தோறும் பார்ப்பனரல்லாதார் மாநாடுகள் கூட்டப்பட்டன. இந்திய தேசியம் குறித்த ஆழமான விமர்சனங்களை இந்த மாநாடுகளில் பேசியவர்கள் முன்வைத்ததோடு, வகுப்புரிமையின் தேவையையும் வலியுறுத்திப் பேசினர்.
சாதிகளாக பிரிந்திருக்கும் இச்சமுதாயம் எவ்வாறு ஒரு தேசமாக அமையமுடியும் என்ற கேள்வியை எழுப்பியதுடன் சாதிகளுக்கிடையே சமத்துவம் ஏற்பட்டாலொழிய இந்திய தேச உருவாக்கம் என்பது பார்ப்பனர்களின் நலத்தையும் மேலாண்மையையும் காப்பாற்றும் தேசியமாகத்தான் இருக்கும் என்றும் இவர்கள் கருத்துரைத்தனர்.  பண்டித அயோத்திதாசர் தான் இத்…

குறுக்குசால் - ஆதவன் தீட்சண்யா

நீங்களாகவே உங்கள் கோவணத்தை உருவியெறிந்ததன் மூலம் கடமையைச் செய்யவிடாமல் தடுத்ததோடு கஜானாவிற்கு வருமான இழப்பையும் ஏற்படுத்தியதற்காக உங்கள்மீது கடுங்கோபத்திலிருக்கிறது அரசாங்கம்
உல்லாசம் பீறிடும் கேளிக்கைக்கான ஆவலில் தன் பரிவாரத்தோடு உப்பரிகை மாடத்திலிருந்து மைதானத்தைப் பார்வையிடும் மன்னர்பிரானுக்கு துயரங்களும் குமுறல்களுமான மன்றாடுதலை உயிருருகச் சொல்வதற்கு ஒத்திகைப் பார்ப்பதன் மூலம் மற்றுமொரு குற்றத்தையும் இழைத்தவராகிவிடாதீர்கள் 
தின்பதற்கு எலியும் குடிப்பதற்கு மூத்திரமும் தட்டுப்பாடின்றி கிடைக்கும் இத்தேசத்திற்கு விசுவாசம் காட்டும் வாய்ப்புகளை வேண்டுமென்றே தவறவிடுகிற நீங்கள் விளைநிலம் வெள்ளாமை என்று உச்சரித்து தேசவிரோதத்தின் அடர்த்தியை ஏன் கூட்டுகிறீர்கள்
பிடில் வாசித்துக்கொண்டிருப்பதில் மன்னரோடு மக்களும் போட்டியிட்டுவரும் நாட்டில் சூழும் இக்கொடுநெருப்பை  அணைக்க யாரும் வரப்போவதில்லை பொசுக்கும் சூட்டுக்குள் சிக்கித் தவிப்போரே சொந்தக்காலில் தப்பி வாருங்கள்
கிளம்பிப்போன தடம் மறந்துப்போவதற்குள் சொந்த ஊர் திரும்புங்கள் பாளம்பாளமாய் வெடித்துக்கிடக்கும் இந்தப் பாழ்நிலத்தில் பட்டொளி வீசி பறக்கும்படியாய் நட்டுவ…